Hakim Saakaşvili ilə bağlı qərarını elan edir - Canlı yayım

Dünya / 11.12.2017 22:19

Odessa vilayətinin keçmiş qubernatoru Mixail Saakaşvili Kiyevin Peçerski Rayon Məhkəməsində çıxış edib.

"Ukrainskaya Pravda” məlumat yayıb.

Saakaşvili çıxışı zamanı özünü hərbi əsir hesab etdiyini bildirib:

"Mən özümü saxlanılan şəxs yox, hərbi əsir hesab edirəm”.

***

Məni həbsxanaya göndərsələr, aclıq aksiyasını davam etdirəcəyəm.

Bunu Gürcüstanın eks-prezidenti Mixail Saakaşvili məhkəmədə söyləyib.

"Mən qorxmuram. Mən prezidentin necə işlədiyini göstərmişəm və necə öldüyünü də göstərəcəyəm. Əgər onlar məni həbsxanaya qaytarsalar, sona qədər ac qalacağam. Hər kəs biləcək ki, bu qətli kim törədib. Məni öldürə bilərlər, amma Ukrayna xalqının azadlıq hissini heç vaxt öldürə bilməyəcəklər”, – deyə o bildirib.

***

Hazırda məhkəmə heyəti fasiləyə çıxıb. Fasilədən sonra Saakaşviliyə hökm oxunacağı gözlənilir.

***

Müdafiə tərəfinin çıxışı başa çatdı. Hazırda ittiham tərəfi çıxış edir.

***

Məhkəmə heyəti növbəti dəfə müşavirəyə getdi.

***

Timaşenko məhkəmədə çıxış edir və hakimdən ədalətli qərarın Ukrayna üçün önəmli olduğunu bildirir.

***

Ukrayna Ali Radasının bir qrup deputatı Saakaşvili ilə bağlı keçirilən məhkəmədə çıxış edir. Onlar keçmiş qubernatora zamin durmağa hazır olduqlarını bildirdilər.

***

Saakaşvili məhkəmədə çıxış edir. Hakimin ədalətli qərarının Ukrayna xalqı üçün də önəmli olduğunu qeyd edir.