12 yaşı var, 15 xarici ölkənin dövlət himnlərini əzbər bilir - VİDEO

CANLI TV / 29.10.2018 20:06

12 yaşı var, 15 xarici ölkənin dövlət himnlərini əzbər bilir.

Carci.tv məlumatına görə,Tağı Rzayev bu çətin işin öhdəsindən həvəs və marağı sayəsində gəldiyini deyir.

Qısa müddətdə 15-ə yaxın himn öyrənən balaca istedad bu işə ilk olaraq Qazaxıstanın dövlət himnini öyrənməklə başlayıb.

Tağı bir himni təxminən iki saata öyrənir. Əzbərləməkdə çətinlik çəkdiyi və üzərində günlərlə işləməli olduğu himnlər də olub. Onlardan biri də Çinin himnidir. Artıq dörd gündür ki, onu öyrənməyə başlayıb. Öhtəsindən rahatlıqla gəldiyi himn isə Osmanlı imperiyasına məxsus olub.

Tağı öyrəndiyi himnlərin musiqisini kompüterin klaviaturasında da ifa edir.

Bundan başqa, onun həmin ölkələrin xəritələrini heç yerə baxmadan çəkmək bacarığı da var.

Balaca istedad bütün ölkələrin himnlərini öyrənmək niyyətindədir. Bununla o, gələcəkdə yarışlarda iştirak etmək istəyir.

Tağı həmçinin bütün ölkələri himnlərinin musiqilərindən dərhal tanıyır.

Xezerxeber.az mövzu ilə bağlı daha ətraflı videomaterialı təqdim edir: