İcbari tibbi sığorta haqları TƏSDİQLƏNDİ - VİDEO

CANLI TV / 29.12.2018 09:21

Bu gün Milli Məclisin payız sessiyasının sonuncu plenar iclası baş tutub. İclasda əsas müzakirə mövzularından biri ''Tibbi sığorta haqqında'' qanuna dəyişikliyin edilməsi ilə bağlı olub. İclasda millət vəkilləri Dünya Azərbaycanlılarının Həmrəyliyi günü ilə bağlı müraciət də qəbul ediblər.

Millət vəkilləri 2018-ci il üçün sonuncu iclaslarını keçiriblər. Gündəliyinə 52 məsələnin daxil olduğu iclasda əsas müzakirə mövzularından biri ''Tibbi Sığorta Haqqında '' qanuna edilən dəyişiliklərlə bağlı olub. Bu barədə məlumat verən millət vəkiliƏhliman Əmiraslanov dəyişikliklərin 34 maddəni əhata edən 5 yeni fəsildən ibarət olduğunu və burada həm də icbari tibbi sığortanın prinsip və qaydalarının müəyyən edildiyini bildirib. Beləki İcbari sığortanın baza hissəsi üçün dövlət tərəfindən hər vətəndaşa görə 29 manat ayrılacaq, amma əlavə hissəsini bəzi vətəndaşlar özləri təmin etməlidir.

İclasda iştirak edən İcbari Tibbi Sığorta Dövlət Agentliyinin sədri Zaur Əliyev bu sığorta növünün tətbiqi ilə səhiyyə xidmətlərinin keyfiyyətinin artması ilə yanaşı , səhiyyə işçilərinin də maaşının artacağını bildirib.

Millət vəkilləri iclasda Dünya Azərbaycanlılarının Həmrəyliyi Günü münasibəti ilə müraciət də qəbul edib. Müraciətdə Qarabağın hər bir Azərbaycanlının ağrılı yeri olduğu xatırladılıb. ''Bütün dünya azərbaycanlıları səylərini artırsalar, bu problemin həlli daha yaxınlaşa bilər''-deyə qeyd edilib.

Daha sonra çıxış edən Milli Məclisin sədri Oqtay Əsədov il ərzində görülən işlərə qısa nəzər salıb .

Sonda Azərbaycan himnin səsləndirilməsi ilə payız sessiyasına yekun vurulub və millət vəkilləri tətilə yollanıblar.