“DƏMİR YUMURUQ” kitabı ərsəyə gəlib

     "Dəmir yumruq" kitabı Gənc Vətənpərvərlər İctimai Birliyinin sədr müavini, Avropa Arbitraj Məhkəməsinin Hakimi, Turxan Mahmudov və yazıçı-jurnalist, Qızıl qələm laureatı Rahib Kərimli tərəfindən Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuzun 44 gün davam edən "Dəmir yumruq” hərbi əməliyyatında qazandığı tarixi Qələbənin təcəssümündən bəhs edir. Şanlı Ordumuz işğal altında olan ərazilərimizi birdəfəlik işğaldan azad etməklə düşmən üzərində misli görünməmiş Qələbə qazandığından, 30 il həsrət qaldığımız Vətən torpaqlarında indi artıq üçrəngli Azərbaycan bayrağı dalğalanır ki, bu da hər birimizə böyük qürur və fəxarət hissi yaşadır .

      Təqdimat mərasimi Gənc Vətənpərvərlər İctimai Birliyində keçirildi. Dəyərli kitabın demək olar ki, bütün məqalələrində 44 günlük Vətən müharibəsi nəticəsində Azərbaycan əsgəri erməni faşizmini darmadağın etməsi vurğulanır. "Dəmir yumruq” kitabı gənclərin vətənpərvərlik hisslərinin gücləndirilməsində böyük rol oynayacağına əminəm: "Bu müharibə bizim üçün ən böyük zəfər möcüzəsi idi. Bu möcüzənin yaradıcısı Azərbaycan xalqının birliyi, müzəffər ordumuz və ordunun Ali Baş Komandanı, cənab Prezident İlham Əliyevdir". Ancaq unutmamalıyıq ki, bir əl yumruqdursa, o biri əldə də qələm tutmalı və qələmlə də qalib gəlməliyik. Qarabağın Azərbaycan torpağı olduğunu isbat edə bildi və biz qələmlə bu qələbəyə öz töhfəmizi verdik. Bu kitab bir neçə il bundan əvvəl yazılsaydı, nisgil dolu hisslərlə yazılardı. Amma nə yaxşı ki, belə olmadı, bu kitab Qələbə ruhlu bir nəşrə çevrildi".