Zakir Həsənov prezident seçkiləri ilə bağlı göstərişlər verdi - VİDEO

CANLI TV / 07.04.2018 16:05

Müdafiə Nazirliyinin rəhbər heyətinin iştirakı ilə keçirilən xidməti müşavirədə nazir Zakir Həsənov qarşıdan gələn prezident seçkilərinin hərbi hissələrdə də yüksək səviyyədə təşkili və keçirilməsi ilə bağlı vəzifəli şəxslər qarşısında konkret tapşırıqlar qoyub.

"Seçki ərəfəsində düşmən tərəfindən törədilə biləcək təxribatların qarşısı alınacaq". Müdafiə nazirliyinin rəhbər heyətinin iştirakı ilə keçirilən xidməti müşavirədə müdafiə naziri general-polkovnik Zakir Həsənov belə deyib.

Qarşıdan gələn prezident seçkilərinin hərbi hissələrdə də yüksək səviyyədə təşkili və keçirilməsi ilə bağlı vəzifəli şəxslər qarşısında konkret tapşırıqların qoyulduğunu deyən nazir, bu ərəfədə düşmən tərəfindən cəbhə xəttində ehtimal olunan istənilən təxribatlara daim hazır olmağı, belə hallar baş verərsə dərhal qarşısının alınması məqsədilə qətiyyətli tədbirlərin görülməsini tapşırıb.

Səfərbərlik və hərbi xidmətə çağırışın Müdafiə Nazirliyinin tabeliyində olan hərbi hissələrdə uğurla davam etdirildiyini bildirən nazir gənc əsgərlərin qəbulu və yerləşdirilməsi ilə bağlı da müvafiq göstərişlər verib.

"Aprel döyüşlərində hospitala çatdırılan bütün yaralılar xilas edilib" Bunu isə Müdafiə Nazirliyinin Tibb Baş İdarəsinin rəisi Natiq Əliyev "Azərbaycan ordusu" qəzetinə müsahibəsində deyib. İdarə rəisinin sözlərinə görə, hətta ağır yaralılardan belə kimsə həyatını itirməyib.

Natiq Əliyev deyib ki, aprel döyüşlərinin statistikası aparılıb. Həmin döyüşlərin tibbi göstəriciləri Əfqanıstan və Çeçenistan müharibələrinin tibbi göstəriciləri ilə müqayisə edilib. Məlum oldu ki, mürəkkəb yaraların, müştərək travmaların, ağır travmaların əməliyyatdan sonra sağalma göstəriciləri aprel döyüşlərində çox mükəmməl səviyyədə fərqlənib.

O qeyd edib ki, mobil səhra hospitalında həm ixtisaslaşdırılmış tibbi yardım, həm də yüksək səviyyəli tibbi yardım göstərilir. Əlavə edib ki, Stasionar hospitalda edilən qarın boşluğu, döş qəfəsi cərrahiyyə əməliyyatları, neyrocərrahiyyə, göz və lor xəstəliklərinin bütün müayinələri, MRT-dən başqa diaqnostikanın bütün müayinələrini mobil hospitalda etmək mümkündür.

Oxunub: 315

Zakir Həsənov prezident seçkiləri ilə bağlı göstərişlər verdi - VİDEO

CANLI TV / 07.04.2018 16:05

10.06.2026

09.06.2026