Prezident şeçkilərində İlham Əliyev 86,03 % səs toplayıb - VİDEO

RƏSMİ / 13.04.2018 07:59

Ötən gün keçirilən prezident şeçkilərində İlham Əliyev 86,03 % səs toplayıb.

Xezerxeber.az-ın məlumatına görə,bunu Mərkəzi Seçki Komissiyasının sədri Məzahir Pənahov nəticələrlə bağlı keçirilən yekun mətbuat konfransında açıqlayıb.

O, seçkinin uğurla başa çatdığını və hər hansı neqativ halın qeydə alınmadığını bildirib.

Məzahir Pənahov deyib ki, prezident seçkilərində 3 milyon 962 min 123 nəfər iştirak edib və İlham Əliyev seçicilərin 86,03 % nin səsini toplayaraq qalib olub.

Məzahir Pənahov 125 seçki dairəsindən 5 min 641 seçki məntəqəsindən hesabatlarının MSK-ya daxil olduqunu bildirib.

Məzahir Pənahov açıqlayıb ki, ötən gün 3 milyon 397 min 664 seçici İlham Əliyevə səs verib. Yəni İlham Əliyev liderdir. 2-ci yerdə isə 3.11 % lik səslə Zahid Oruc qərarlaşıb. 3-cü yerdə 3.03 % səslə Sərdar Cəlaloğlu, 4-cü yerdə 3,02 % səslə Qüdrət Həsənquliyev, 5 -ci yerdə 1,52 % səslə Hafiz Hacıyev, 6-cı yerdə 1,38 % səslə Araz Əlizadə, 7-cı yerdə 1,17 % səslə Fərəc Quliyev və 8-ci yerdə isə 0,74 % lik səslə Razi Nurullayev qərarlaşıb.

Statistik məlumatlara əsasən prezident seçkilərində seçici aktivliyi 74,30 % olub.

Məzahir Pənahov seçkilərin uğurla keçdiyini, MSK-nın qaynar xəttinə 300 müraciətin daxil olduğunu, amma bunların hamısının sorğu xarakterli olduğunu açıqlayıb. O, sosial şəbəkələrdə seçkidə güya neqativ halların olduğunu bildirilən məlumatların dərc edilyini və bunların araşdırılan zaman dezinformasiya olduğunun üzə çıxdığını açıqlayıb.

MSK sədri onu da bildirib ki, bu gündən dairə seçki komisyalarından bütün məlumatlar MSK-ya rəsmi protokol formasında təqdim ediləcək və yekun protakol sənəd hazırlanaraq Konstitusiya Məhkəməsinə təqdim ediləcək.

Xezerxeber.az mövzu ilə bağlı daha ətraflı videomaterialı təqdim edir: