Bakıda taksi sürücüsü çinli turisti aldadıb? - TƏFƏRRÜAT - VİDEO

CANLI TV / 28.04.2018 14:02

Sosial şəbəkələrdə Bakıda bir çinli turistin taksi sürücüsü tərəfindən aldadıldığı ilə bağlı məlumatlar yayılıb. Bu hadisə sosial şəbəkə istifadəçilərinin narazılığı və mürazakirəsinə səbəb olub. Əməkdaşlarımiz həm həmin taksi sürücüsünün, həm də şirkətin mövqeyini öyrəniblər.

Carci.tv məlumatına görə,çinli turist Eason Zhanq başına gələn bu hadisə ilə bağlı sosial şəbəkədə status paylaşıb. Bu isə sosial şəbəkə istifadəçilərinin narazılığına səbəb olub. O iddia edir ki, 10-TH-917 dövlət qeydiyyat nişanlı taksi avtomobilinə minib və sürücüyə "Port Baku"dan metronun "Gənclik" stansiyasının yaxınlığında yerləşən "Abu Arena"ya aparmasını deyib. Turist iddia edib ki, həmin taksi sürücüsü avtomobil hərəkətə başlayarkən taksometri işə salmayıb və mənzil başına çatdıqda ondan 15 manat pul istəyib.

Çinli turist paylaşdığı statusda qeyd edib ki, ödəniş haqqı artıq istənildiyi üçün buna etiraz edib. Bunda sonra sürücü qapını bağlayıb və yalnız pulu ödədikdən sonra qapını açacağını deyib.

Məsələ ilə bağlı həm sürücünün fəaliyyət göstərdiyi şirkətlə, həm də özü ilə əlaqə saxladıq. Məlum oldu ki, taksi avtomobilini idarə edən Şahafəddin Məmmədovdur. Onun sözlərinə görə, çinli turistən aparacağı ünvana görə 15 manat yox, 10 manat pul istəyib.

Şahafəddin Məmmədov etiraf edir ki, avtomobili hərəkətə gətirən zaman taksometri işə salmayıb. Turistlə mübahisəsi də buna görə olub. Lakin qapını bağlayıb turisti düşürməməsi məsələsinə gəldikdə, sürücü bunların yalan olduğunu bildirdi.

Məsələ ilə bağlı həmin sürücünün çalışdığı taksi şirkətindən isə "Xəzər Xəbər"ə bildirildi ki, Şahafəddin Məmmədova avtomobildə taksometri işə salmamasına görə cərimə tətbiq edilib. Bununla yanaşı, sürücüyə bir daha belə xətaya yol verərsə işdən azad olunacağı ilə bağlı xəbərdarlıq edilib.

Xezerxeber.az mövzu ilə bağlı daha ətraflı videomaterialı təqdim edir: